Réttur til að hætta við kaup

Neytandi sem kaupir vöru af seljanda frá einhverju EES-ríkjanna á netinu á því rétt á að hætta við kaupin innan 14 daga frá því að varan var afhent og fá endurgreitt. Réttur neytenda til að falla frá samningi þegar um kaup á netinu er að ræða er mikilvæg undantekning frá þeirri meginreglu að alla jafna er neytandi bundinn af kaupum á ógallaðri vöru, þannig er yfirleitt ekki hægt að skipta buxum því þær passa illa eða bók af því hún er leiðinleg. Þegar um er að ræða kaup á netinu er staðan hins vegar sú að neytandinn hefur ekki átt þess kost að skoða vöruna „með eigin augum“, þreifa á henni eða máta hana. Neytandi sem kaupir vöru af seljanda frá einhverju EES-ríkjanna á netinu á því rétt á að hætta við kaupin innan 14 daga frá því að varan var afhent og fá endurgreitt.

Neytandanum ber þá að skila vörunni óskemmdri til seljandans, og þarf hann sjálfur að greiða kostnað vegna endursendingarinnar. Ákvæðið um að falla frá samningi gildir ekki í tilvikum þar sem vara eða þjónusta hefur verið sérpöntuð eða sniðin að þörfum neytandans eða ef innsigli hafa verið rofin. Þetta á t.a.m. við um flugsæti, miða á tónleika og hótel, en seljendur slíkrar þjónustu setja iðulega eigin skilmála um mögulega endurgreiðslu ef hætt er við og er mikilvægt fyrir neytendur að kynna sér þá.

Mikilvægt er að hafa í huga að þessi réttur til að hætta við er vegna Evróputilskipunar og þegar vara er keypt t.a.m. frá USA eða Kína geta aðrar reglur verið í gildi. 

Tengdar fréttir

Alþjóðadagur neytendaréttar

Þann 15. mars á hverju ári er haldinn alþjóðadagur neytendaréttar (e. World Consumer Rights Day), en í ár er m.a. barist fyrir auknu trausti neytenda á hinum stafræna heimi.


Dagur netöryggis

Á hverju ári er haldinn alþjóðadagur netöryggis, en tilgangur hans er að stuðla að öruggari notkun internetsins og snjallsíma. 

Netverslun er sífellt að aukast og neytendur eru í auknum mæli farnir að kaupa sér vörur í tölvunni heima hjá sér, enda býður það upp á viss þægindi að hægt sé að versla sér varning án þess að þurfa að gera sér sérstaka ferð í verslunina sjálfa. Mikið er um að neytendur kaupi af erlendum vefsíðum þar sem gjarnan er hægt að gera góð kaup.


Neytendur og netgildrur

Evrópskir neytendur verða sífellt oftar fyrir barðinu á villandi og ágengum auglýsingum á internetinu og á samfélagsmiðlum. Neytendur verða að gæta að sér gagnvart slíkum gylliboðum svo þeir lendi ekki í því að greiða fyrir vörur eða áskrift sem þeir hafa ekki áhuga á.

ECC-Netið hefur því búið til stutt myndbrot sem hjálpar neytendum að koma auga á slíkar gildrur.