Úrræði & eftirlit

Samgöngustofa hefur eftirlit með Evrópureglugerðinni um réttindi flugfarþegar og lögum um loftferðir. Hægt er að vísa kvörtunum til stofnunarinnar sem hefur tekið fjölmargar ákvarðanir  um rétt flugfarþega á grundvelli áðurnefndrar reglugerðar.

Telji neytendur að brotið hafi verið á rétti þeirra sem flugfarþega er rétt að hafa samband við ECC-netið sem þá reynir milligöngu í málinu eða leggur það fyrir viðeigandi yfirvöld eða kærunefndir í heimalandi flugrekandans.  Rétt er þó að árétta eð ECC-netið aðstoðar bara vegna viðskipta við seljendur í öðrum löndum. Þannig er flugfarþegum búsettum á Íslandi rétt að leita til Neytendasamtakanna eða Samgöngustofu telji þeir að íslenskur flugrekandi hafi brotið gegn rétti þeirra.

Tengdar fréttir

Flug með Air Berlin

Þann 15. ágúst sl. lýsti Air Berlin yfir greiðsluþroti og var fjallað um það hér á heimasíðunni. Nú hefur flugfélagið tilkynnt að það muni ekki starfrækja flug eftir 28. október nk.

Hvað ef Air Berlin hefur aflýst flugi mínu?
Ef farþegi bókaði flug fyrir 15. ágúst sl. þá verður hann að lýsa kröfu sinni í þrotabúið. Ef flugmiði var bókaður eftir 15. ágúst sl. þá hefur Air Berlin lýst því yfir að félagið muni endurgreiða flugmiðann.


Air Berlin lýsir yfir greiðsluþroti

Samkvæmt ECC í Þýskalandi lýsti þýska flugfélagið Air Berlin þann 15. ágúst 2017 yfir greiðsluþroti. Enn sem komið er hefur fyrirtækið ekki verið tekið til gjaldþrotaskipta.

Hvað þýðingu hefur greiðsluþrotið fyrir þá farþega sem nú þegar eiga bókuð flug með Air Berlin?
Flugfélagið hefur fengið fjármagn frá þýskum yfirvöldum til að halda starfsemi áfram næstu þrjá mánuði. Þetta þýðir að enn sem komið er ættu þeir farþegar sem þegar hafa bókað flug með flugfélaginu ekki að hafa áhyggjur af því að flugi þeirra verði aflýst vegna greiðsluerfiðleikanna.


Réttindi fatlaða og hreyfihamlaðra...

Alþjóðadagur fatlaðra er 3. desember næstkomandi og í tengslum við daginn hefur ECC- netið ákveðið að vekja athygli á réttindum fatlaðra og hreyfihamlaðra flugfarþega.

Þrátt fyrir að Evrópulöggjöfin veiti töluverða neytendavernd þá mæta fatlaðir og hreyfihamlaðir enn hindrunum þegar þeir ferðast með flugi.

ECC-Netinu hefur á árinu 2016 borist nokkur fjöldi almennra fyrirspurna og kvartana: