Úrræði & eftirlit

Sé ágreiningur við seljanda er rétt að byrja á að kvarta skriflega við hann. Beri það ekki árangur er hægt að leita til ECC á Íslandi sem leiðbeinir þá áfram um næstu skref og sendir málið áfram til systurstöðvar sinnar í heimalandi seljanda ef þörf er á. ECC-netið aðstoðar þá við að leysa úr málum og náist ekki samningar við seljanda með þeim hætti aðstoðar netið neytendur einnig við að leggja mál sín fyrir viðeigandi úrskurðar- eða kærunefndir.

Neytendastofa hefur eftirlit með lögum um alferðir en rétt er að árétta að stofnunin tekur ekki afstöðu til einkaréttarlegra krafna og úrskurðar því ekki um t.a.m. rétt neytenda til afsláttar eða endurgreiðslu.

Séu uppi deilur milli neytanda og ferðaþjónustuaðila innan SAF er hægt að leita til Úrskurðarnefndar í ferðmálum. Almennar upplýsingar um nefndina má sjá hér og álit hennar eru aðgengileg á heimasíðu Neytendasamtakanna.  

Tengdar fréttir

Air Berlin lýsir yfir greiðsluþroti

Samkvæmt ECC í Þýskalandi lýsti þýska flugfélagið Air Berlin þann 15. ágúst 2017 yfir greiðsluþroti. Enn sem komið er hefur fyrirtækið ekki verið tekið til gjaldþrotaskipta.

Hvað þýðingu hefur greiðsluþrotið fyrir þá farþega sem nú þegar eiga bókuð flug með Air Berlin?
Flugfélagið hefur fengið fjármagn frá þýskum yfirvöldum til að halda starfsemi áfram næstu þrjá mánuði. Þetta þýðir að enn sem komið er ættu þeir farþegar sem þegar hafa bókað flug með flugfélaginu ekki að hafa áhyggjur af því að flugi þeirra verði aflýst vegna greiðsluerfiðleikanna.


Skoðun þín á heilbrigðisþjónustu í...

Hefur þú nýtt þér heilbrigðisþjónustu í öðru landi innan Evrópu, hvort sem það var óvænt á ferðalagi þínu eða vegna fyrirhugaðrar meðferðar? Hvernig var reynsla þín?

ECC-Netið vinnur nú að því með ANEC (Evrópsk hagsmunasamtök um aðild neytenda að staðlagerð) að safna upplýsingum frá evrópskum neytendum af reynslu þeirra af heilbrigðisþjónustu í öðrum Evrópulöndum. ANEC mun nota upplýsingarnar í vinnu sinni í staðlagerð í þágu neytenda til að gera heilbrigðisþjónustu á milli landamæra innan EES auðveldari.


Góð ráð þegar keyptir eru miðar á...

Margir nota internetið meira og meira til að fjárfesta í miðum á hina ýmsu viðburði, svo sem tónleika og íþróttaviðburði. Nokkrar slíkar hátíðir eru á hverju ári í Portúgal og af þeim sökum hefur ECC í Portúgal gefið út nokkur góð ráð fyrir þá sem ætla að kaupa miða á netinu á viðburði þar í landi. Þótt ráðin séu sérstaklega hnitmiðuð að Portúgal þá er hægt að heimafæra þau yfir á kaup á viðburði í öðrum löndum.

Nokkur góð ráð: