Ekki eru í gildi nein sérstök lög sem kveða á um réttindi neytenda þegar kemur að viðskiptum við bílaleigur. ECC-netinu berast mörg ágreiningsmál þar sem reynd er milliganga við bílaleigu fyrir hönd ósátts neytanda. Ef samningar nást ekki með þeim hætti getur verið hægt að leita til Úrskurðarnefndar í ferðamálum.
Ef neytendur lenda í vandræðum vegna bílaleigu í öðru Evrópulandi og hafa sjálfir reynt að komast að samkomulagi við bílaleiguna án árangurs geta þeir leitað til ECC-netsins.
Þriðjudagur, 28. júní 2016 - 11:24
Kominn er út handhægur bæklingur þar sem fræðast má um ECC-netið, rétt flugfarþega, bókun á netinu, bílaleigu, pakkaferðir og ýmislegt fleira sem viðkemur rétti ferðlanga. Auk þess hefur bæklingurinn að geyma fjölmargar reynslusögur frá evrópskum neytendum. Bæklingurinn nýtist svo einnig sem stílabók.
Miðvikudagur, 17. febrúar 2016 - 15:06
Úrskurðarnefnd Samtaka ferðaþjónustunnar (SAF) og Neytendasamtakanna, sem hýst er hjá Neytendasamtökunum, úrskurðar í deilumálum neytenda og fyrirtækja sem eru aðilar að SAF. Það geta m.a. verið ferðaskrifstofur, flugfélög, bílaleigur og hótel/veitingahús. Það kostar neytendur 3.500 kr. að leggja mál fyrir nefndina og alla jafna liggja úrskurðir hennar fyrir u.þ.b. mánuði frá því öll gögn hafa borist skrifstofunni, og eru þeir birtir á heimasíðu Neytendasamtakanna jafnóðum.
Mánudagur, 11. janúar 2016 - 12:45
Deilihagkerfið er elsta hagkerfi í heimi, enda peningar í raun tiltölulega nýleg uppfinning. Deilihagkerfið er viðskiptakerfi sem byggir á skiptum eða samnýtingu verðmæta, og yfirleitt er um „jafningjaviðskipti“ (peer-to-peer) að ræða, en ekki það að „salan“ fari fram í atvinnuskyni. Eftir að peningar komust í almenna umferð ruddi séreignarstefnan sér sífellt harðar fram með þeim afleiðingum að ofneysla, sér í lagi á Vesturlöndum, hefur haft skelfileg áhrif á takmarkaðar auðlindir jarðarinnar.